Kryeministri i Britanisë së Madhe, Boris Johnson, jep mesazhin e parë nga shtëpia, pas daljes nga spitali, ku qëndroi për disa ditë për t’u kuruar për koronavirusin.
Në një video-mesazh publik në “Twitter”, kryeministri Johnson shpreh falënderimet më të thella për të gjithë personelin mjekësor, që i shpëtoi jetën atij, dhe që po luftojnë do ditë në vijën e parë të betejës me virusin e frikshëm.
Mes të tjerash, dhe teksa shprehet besimplotë se Britania do ta fitojë edhe këtë betejë, si ka kapërcyer shumë sfida në të kaluarën, Johnson shpreh një falënderim të veçantë për dy infermiere, që sipas tij, i kanë qëndruar te shtrati për 48 orë, në momentet më kritike të tij.
“Është e vështirë të gjesh fjalët për të shprehur borxhin tim ndaj mjekëve, që më shpëtuan jetën. Së bashku do ta kapërcejmë këtë sfidë, pasi kemi kapërcyer aq shumë sfida në të kaluarën”, shkruan Johnson.
It is hard to find the words to express my debt to the NHS for saving my life.
The efforts of millions of people across this country to stay home are worth it. Together we will overcome this challenge, as we have overcome so many challenges in the past. #StayHomeSaveLives pic.twitter.com/HK7Ch8BMB5
— Boris Johnson #StayHomeSaveLives (@BorisJohnson) April 12, 2020
(BalkanWeb)
