Historia është 200-vjeçare dhe e panjohur në Sarajevë.

Sipas saj, në vitin 1819, myslimanët u ngritën kundër një guvernatori osman, i cili kërcënoi të vriste elitën hebreje të qytetit.

Për të kremtuar 200-vjetorin e këtij shpëtimi të mrekullueshëm, Purimit, komunitetet hebreje dhe myslimane të Bosnjës kanë organizuar një konferencë, që në sytë e tyre është një model i bashkëjetesës së dy komuniteteve.

“Shembulli i Sarajevës dhe Bosnje-Hercegovinës mund të shërbejë si një model për një jetë normale dhe të përbashkët midis hebrejve dhe myslimanëve”, u shpreh Jakob Finci, presidenti i komunitetit hebre të Bosnjes, gjatë konferencës.

Në traditën hebraike, Purim është një festë që kremtohet çdo vit në fund të dimrit-fillim të pranverës, sipas kalendarit hebraik dhe përkujton çlirimin e hebrenjve të kërcënuar nga një masakër nën Perandorinë Perse, sipas Biblës.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: