Serbia nuk shkoi më shumë se barazimi 3-3 me Kamerunin, në ndeshjen e vlefshme për botërorin. Ekipi i Stojkovic bëri një paraqitje me ulje-ngritje, madje shpërdoroi avantazhin e 2 golave.
Reagimi i Presidentit të Serbisë, Aleksandër Vuçiç nuk ka munguar. Numri një i shtetit serb është gjithmonë pranë skuadrës, e sigurisht dhe në momente të tilla si këto.Ai ka kërkuar që të gjithë tifozët të bëhen një me ekipin në ndeshjen e fundit të grupeve.
“Gjithmonë me vendin tuaj, me njerëzit tuaj dhe me kombëtaren serbe. Kurdoherë që jemi të zhgënjyer me rezultatin e skuadrës tonë, hedhim gurë te trajnerët dhe lojtarët tanë, në vend që t’i mbështesim dhe t’ju japim atyre më shumë suport.
Kjo është arsyeja, dhe si tifoz i kombëtares, u kërkoj të gjithë qytetarëve që t’i japin kombëtares tonë mbështetjen më të madhe dhe më të fuqishme përpara ndeshjes me Zvicrën dhe t’u tregojmë atyre se u besojmë. Unë personalisht do të jem me ata edhe nëse humbin. Para Serbia, jetoftë sa më gjatë Serbia”, shkruan Vuçiç në rrjetet sociale.
Serbia ka grumbulluar vetëm një pikë.
(BalkanWeb)