Krijimi i sfondit të jashtëzakonshëm për filmin “Barbie” kërkonte aq shumë bojë rozë, sa çoi në një mungesë globale, sipas projektuesve të prodhimit të saj. “Botës i mbaroi ngjyra rozë”,- tha Sarah Greenwood në një intervistë të fundit për “Architectural Digest”.

Greenwood, i cili është nominuar për gjashtë çmime ‘Oscar’, duke përfshirë për drejtimin artistik të “Pride & Prejudice” dhe “Atonement”, tha se realizimi i setit përfshinte sasi të mëdha boje rozë fluoreshente “Rosco”.

Filmi live-action, i cili del në kinema më 21 korrik, ka në rolet kryesore aktoren Margot Robbie dhe Ryan Gosling si i dashuri i saj, Ken.

Greta Gerwig, e cila është bashkëskenariste me Noah Baumbach, tha për CNN, se ngjyra ishte shumë e rëndësishme për filmin.

“Doja që trëndafilat të ishin shumë të ndezur dhe gjithçka të ishte pothuajse e tepërt”,– tha ajo.

Kjo ishte pjesë e asaj që Gerwig e quan “universi alternativ i Barbie Land”.

Në një email për CNN, Lauren Proud, nënkryetare e marketingut në kompaninë e bojrave ‘Rosco’, konfirmoi se filmi kërkonte shumë bojë, por shtoi se kishte faktorë të tjerë të përfshirë në bojën rozë.

“Xhirimet po zhvilloheshin gjatë një kohe kur ne ende po përjetonim probleme në zinxhirin e furnizimit global dhe furnizimi me bojë u godit rëndë”,- tha ajo. “Ne dhamë gjithçka që mundëm, ata i morën të gjitha. Mezi presim të shohim se si duket në film”.