TIRANË

Ish-deputeti i Lëvizjes Socialiste për Integrim, Vangjel Tavo, ka reaguar lidhur me fenomenin tejet shqetësues të shpopullimit dhe braktisjes së vendit nga elita e trurit shqiptar.

Në një reagim përmes rrjeteve sociale, Tavo shprehet se pasi janë larguar të gjithë mjekët, rinia dhe intelektualët, pas 100 ditësh radhën e ka të largohet dhe shkaktarja dhe nxitësja kryesore e këtij shpopullimi masiv, sekti i “rilindjes” që udhëhiqet nga kryeministri Edi Rama.

“Largohen mjekët.

Largohet rinia.

Largohen studentët.

Largohen intelektualët.

Largohen profesionistët.

Largohen familjet e thjeshta.

Pas 100 ditësh largohet “Rilindja” autorja e këtij shpopullimi”, shprehet në reagimin e tij ish-ligjvënësi i LSI-së, Vangjel Tavo.

(BalkanWeb)