Për ata që nuk kursejnë para dhe duan të shijojnë Britaninë në tre ditë, u mbetet vetëm të presin disa muaj për të hipur në trenin e ëndrrave të tyre.

Me pagesën e shumës jo pak të vogël prej 6700 eurosh, pasagjerët e trenit ultraluksoz “Britannic Explorer” do të mund të shëtisin në qarqet e Anglisë dhe Uellsit.

Treni do të vihet në funksion nga viti 2025, siç raporton rrjeti CNBC News, duke theksuar se do të synohet për ata që duan luksin, komoditetin dhe janë të gatshëm të fusin fort dorën në xhep.

‘Britannic Explorer’ përmban dhoma gjumi ‘mbretërore’, ushqime të përgatitura në vend nga një kuzhinier i vlerësuar me çmime dhe suita Wellness.

Treni, në pronësi të kompanisë luksoze të mikpritjes Belmond, do të kalojë tre linja, e para do të shkojë në qarkun jugperëndimor të Cornwall, e dyta në skajin e kundërt të Anglisë nëpërmjet Lake District në veri, ndërsa e treta do të kalojë Uellsin. siç raportohet nga CNBC News.

Udhëtimet do të nisin në kryeqytetin britanik dhe do të zgjasin tre netë.

Çmimi për një udhëtim për tre netë fillon nga 5,800 paund britanik (6,966 euro) për person. Treni që do të kalojë Britaninë e Madhe për tre ditë dhe ka gjithsej 18 kabina: 15 janë suita dhe tre janë ato që ne do t’i quajmë suita presidenciale “Grand Suites”.

Ushqimet që udhëtarët do të mund të shijojnë do të përgatiten në moment nga shefi i famshëm britanik Simon Rogan, restorantet e të cilit kanë fituar yje Michelin.

Gjatë ditës, pasagjerët do të bëjnë ndalesa të ndryshme, ose për të vizituar parqet dhe galeritë kombëtare ose për të shkuar në ecje me guidë.

Për më aventurierët, megjithatë, ka edhe not në ujërat e akullta të liqenit në rrethin malor të Liqenit.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: