Belgët e Klub Bryzh, janë të pamposhtur në 19 ndeshje, teksa në qendër të kësaj ecurie është mesfushori me origjinë shqiptare, Ardon Jashari  i cili duket se po ndihet gjithnjë e më mirë pasi u transferua nga Luzerni në Belgjikë.

Jashari ka fituar zemrat e belgëve, pas vështirësive në fillim të aventurës, ai tashmë është lojtari i pëlqyer i tifozëve. 

Këtë e dëshmon edhe veprimi i fundit i klubit. Klub Bryzh ka rinovuar kontratën e Jashari shumë më herët se që pritej. Kontrata e re e Jasharit është e vlefshme deri në verën e vitit 2029 dhe sipas burimeve të “Blick” përfshin rritje shumë të madhe të pagës. Jashari tani është njëri prej lojtarëve me pagën më të madhe në ligën belge.