Varre masive janë zbuluar në Bucha dhe rajonet e tjera përreth Kievit. Pamjet, tregojnë një gjenocid rus në Ukrainë, mes zërave që pushtuesit kanë mohuar vrasjen e civilëve në fushëbetejë.
Daily Mail publikon pamjet e viktimave të vrarë, 20 prej të cilëve u gjetën të shpërndarë në mes të rrugës. Në një pyll pranë qytetit të Motyzhyn, është gjetur një varr masiv, që përmbante trupat e kryebashkiakes Olga Sukhenko dhe familjes së saj, përkatësisht, bashkëshortit dhe djalit.
Trupi i pajetë i Sukhenko-s ishte gjetur në një gropë të gërmuar cekët, ndërsa pak më tutje u gjetën edhe 19 persona të tjerë.
Një varr masiv që përmban trupat e të paktën 20 civilëve, përfshirë një kryebashkiak dhe familjen e saj,
Kryetarja e bashkisë dhe familja e saj ishin raportuar nga të tjerë si rrëmbyer nga rusët më 23 mars dhe ishin dërguar në një drejtim të panjohur.
Ky është varri i dytë masiv që zbulohet pas shpinës së trupave ruse që tërhiqen, pasi një gropë prej 45 këmbësh që përmbante trupat e të paktën 57 civilëve u zbulua në Bucha – një qytet në periferi të Kievit ku qindra civilë janë gjetur të vdekur.
Varri ishte gërmuar në një zonë me bar në pjesën e pasme të Kishës së Shën Andreë dhe Pyervozvannoho të Gjithë Shenjtorëve në Bucha me Serhii Kaplychnyi, kreu i shërbimeve lokale të shpëtimit, duke thënë se të paktën 57 civilë ishin varrosur në gropën 45 metra.
Zyrtarë të tjerë thonë se totali është afër 300.
Imazhet satelitore të marra më 31 mars, ndërsa trupat ruse ishin ende nën kontrollin e zonës, tregojnë qartë ekzistencën e varrit – duke dhënë prova për gënjeshtrën e hedhur nga Moska se ai ishte gërmuar nga forcat ukrainase. Firma satelitore Maxar tha se imazhet e marra qysh më 10 mars tregojnë se çfarë duket të jenë përgatitjet për ndërtimin e gropës.
Këto krime, që shumë prej mediave i kanë cilësuar si një Srebrenicë të dytë, janë dënuar nga vendet Perëndimore. Ata i kanë bërë thirrje institucioneve ndërkombëtare që të hetojnë rastet, si dhe kanë bërë thirrje për sanksione të shtuara ndaj Putinit dhe oligarkëve pranë tij.
(BalkanWeb)