Gjykata e Apelit e Kievit njoftoi të premten se ka marrë vendimin për të ulur  dënimin e ushtarit rus 21-vjeçar, Vadim Shishimarin.

Shishimarin u dënua me burgim të përjetshëm më 23 maj në gjyqin e parë të Ukrainës për krime lufte që nga pushtimi rus. Dënimi i tij është ulur në 15 vjet burg.

Ai u shpall fajtor për vrasjen e një civili 62-vjeçar gjatë vendosjes së tij në ushtrinë ruse në ditët e para të luftës.

Shishimarin u akuzua për vrasje me paramendim dhe komplot. Gjykata e Apelit e Kievit tha se gjyqtarët nuk besojnë më se ishte një komplot i qëllimshëm.

Seanca më e fundit e Shishimarin që ishte caktuar për të hënën duhej të shtyhej pas një kërkese nga avokati i Shishimarin, Viktor Ovsyannikov, pasi u ndje i sëmurë.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb