Miratimi nga Kuvendi më 15 korrik i paketës ligjore për dhënien me koncesion të Parkut Kombëtar të Butrintit, Fondacionit Shqiptaro-Amerikan të Zhvillimit, ngjalli shumë debate ne politikën shqiptare.

Kujtojmë se votimi hodhi poshtë dekretin e Presidentit Ilir Meta me 72 vota dhe i hapi rrugën menaxhimit nga privati të sitit.

Për këtë votim ka reaguar me anë të një postimi në Twitter edhe ambasadorja e SHBA-ve në Tiranë, Yuri Kim.

“FAKT: Nuk ka qenë kurrë për fitim apo shfrytëzim”, shkruan Kim teksanë vijim sqaron se fondacioni në fjalë është krijuar për të zhvilluar sektorin privat me doncaione.

“@The_AADF u krijua në 2009 me mbështetjen e USAID për të zhvilluar sektorin privat dhe demokracinë e qëndrueshme në 🇦🇱. Që atëherë, AADF ka zotuar 100 milionë dollarë+ në 70+ projekte në 🇦🇱, duke krijuar 6000+ vende pune dhe duke tërhequr 300 milionë dollarë+ nga investitorë të tjerë”, shprehet ambasadorja Kim.

Në vijim ajo fton ata që e kanë kundërshtuar ligjin për menaxhimin e Butrintit që nëse janë të interesuar për më shumë fakte rreth Fondacionit Amerikan për Zhvillim të shqyrtojnë raportet vjetore të tij.

“@The_AADF – çfarë është, çfarë bën, çfarë ka bërë, kush është i përfshirë, etj – shikoni raportet e tyre vjetore dhe informacione të tjera këtu http://aadf.org/annual-reports/”, nënvizon Kim.

 

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: