TIRANE
LSI ka kërkuar interpelancë me Ministren e Financave dhe Ekonomisë, Anila Denaj në lidhje me bllokimin e buxhetit të bashkisë Skrapar. Përmes një kërkesë zyrtare, e cila mban firmën e kreut të Grupit Parlamentar të LSI-së, Petrit Vasili kërkohet shpjegim për gjendjen kaotike të buxhetit në Skrapar.
Kërkesa
Kërkesë për interpelancë urgjente me Ministren e Financave Znj. Anila Denaj
Drejtuar
Kryetarit të Kuvendit të Shqipërisë
Z.Gramoz Ruçi
I nderuar zoti kryetar
Bazuar në nenin 97 të Rregullores së Kuvendit të Shqipërisë, kërkojmë interpelancë urgjente me ministren e financave Znj.Anila Denaj pasi dega e thesarit Skrapar prej disa ditësh në kundërshtim me çdo akt ligjor dhe nënligjor ka bllokuar veprimtarinë financiare si më poshtë:
1-Furnizim me ushqim të konvikteve
2-Furnizim me ushqim të çerdheve
3-Furnizim me ushqim i qendrës së fëmijëve me aftësi të kufizuar
4-Pagat e punonjësve
Si dhe ka bllokuar çdo shërbim ndaj komunitetit
Kujtojmë që dhjetorin e vitit të kaluar Këshilltarët e Partisë Socialiste në bashkinë e Skraparit nuk miratuan projekt buxhetin për vitin e ardhshëm. Mbledhja u shoqërua me debate, ndërsa socialistët rrëzuan me buxhetin me pretendimin se numri i punonjësve të bashkisë është i lartë.
(BalkanWeb)