FUSHË-KRUJË

Dy persona janë arrestuar në Durrës në kuadër të opearcionit të koduar ‘’Bye Pass’’. R.A, dhe A.Z, janë arrestuar për shpërdorim detyre teksa ishin të shpallur në kërkim.

Po ashtu është arrestuar një shofere 20-vjeçare nga Burreli që dy ditë më parë aksidentoi për vdekje 60-vjeçarin në Fushë-Krujë.

NJOFTIMI NGA POLICIA

Durrës

Ndalohen 2 shtetas të shpallur në kërkim kombëtar në kuadër të operacionit “BYE PASS”.

Arrestohet një 20-vjeçare, për veprat penale “Shkelja e rregullave të qarkullimit rrugor”, “Drejtim mjeti në mënyrë të parregullt” dhe “Largim nga vendi i aksidentit”.

Specialistët për Hetimin e Krimit Ekonomik dhe Financiar në DVP Durrës, në vijim të operacionit të koduar “BYE PASS”, kanë ndaluar 2 shtetas të tjerë të shpallur në kërkim në kuadër të këtij operacioni: R. A., 36 vjeç, banues në Durrës dhe A. Z., 56 vjeç, banues në Tiranë, për veprën penale “Shpërdorimi i detyrës”.

—

Specialistët e Qarkullimit Rrugor në Drejtorinë Vendore të Policisë Durrës kanë arrestuar shtetasen A. SH., 20 vjeçe, banuese në Burrel, pasi më datë 19.10.2020, në Fushë Krujë, duke drejtuar mjetin pa leje drejtimi, ka aksidentuar e më pas është larguar nga vendi i ngjarjes, shtetasin Z. D., 60 vjeç, banues në Fushë Krujë, i cili, si pasojë e plagëve të marra, ka ndërruar jetë disa orë pasi u dërgua në spitalin e Traumës Tiranë.

Materialet i kaluan Prokurorisë së Rrethit Gjyqësor Durrës, për veprime të mëtejshme.

(BalkanWeb)