TIRANË- Ardhja në krye të Policisë së Shtetit e Haki Çakos është shoqëruar edhe me një sërë lëvizjesh në radhët e uniformave blu. Sot janë ndryshuar shefat e dy komisariateve në kryeqytet.

Kështu në Kamzë është emëruar shef policie Sali Skurra, ndërsa në komisariatin nr.4 shef është emëruar Fatmir Lleshi, në vend të Armir Shahollit. Ky i fundit është transferuar shef rendi në Durës.
Mësohet gjithashtu se ndryshime të tjera do të pasojnë në policinë e Tiranës.

Pak ditë më parë pati ndryshime në disa prej Drejtorive në qarqe. Ardian Çipa u komandua zv/drejtori i Përgjithshëm i Policisë, në seksionin e Krimeve të Rënda, ndërsa Ervin Hodaj mori drejtimin e Drejtorisë së Policisë së Tiranës.

Burime nga Policia e Shtetit, thanë se Ardian Çipa, që ishte Drejtor i Policisë së Tiranës mori vendin e lënë bosh nga Haki Çako, i emëruar në postin e Drejtorit të Policisë së Shtetit pas largimit të Artan Didit. Ndërsa vendin e lënë bosh nga Çipa e mori Ervin Hodaj.

Gjithashtu mësohet se Drejtori i Policisë së Shtetit, Çako ka nënshkruar edhe disa ndryshime të tjera në kupolën e Policisë. Kështu, Rebani Jaupaj është emëruar Drejtor i Drejtorisë së Antikrimit Ekonomik në Policinë e Shtetit. Neritan Nallbati, është transferuar nga posti i Drejtorit të Policisë së Elbasanit, në Postin e Drejtorit të Policisë së Fierit. Vendin e Nallbatit e ka marrë Alfred Çepe. Behar Caka do të marrë detyrën e Shefit të Komisariatit të Vlorës dhe Shefi i Komisariatit të Vlorës, Agim Basha zëvendëson Behar Cakën si shef katedre tek Akademia e Rendit.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: