Në kurorëzimin solemn të Mbretit Charles III dhe Mbretëreshës Consort Camilla më 6 maj, kjo e fundit mund të mos marrë kurorën tradicionale të bërë për Nënën Mbretëreshë në 1937 për të shmangur një konfrontim diplomatik me Indinë.
Siç lexojmë në mediat e Mbretërisë së Bashkuar, në fakt, ai përmban Koh-i-Noor, një nga diamantet më të mëdhenj në botë me 105 karatët e tij, dhe mbi të gjitha në qendër të një polemike politike dhe ligjore midis dy vendeve, me shumë indianë, që janë të bindur se guri i çmuar, zbuluar në Indi në shekullin e 14-të, ishte “vjedhur” gjatë regjimit kolonial.
Kurora rifilloi të shfaqej në rrjetet sociale indiane pas vdekjes së mbretëreshës Elizabeth dhe, shumë qytetarë i kishin kërkuar qeverisë së Nju Delhit të ushtronte presion të ri mbi Londrën.
Koh-i-Noor u ble nga Kompania e Indisë Lindore pas Luftërave Anglo-Sikh dhe iu dorëzua Mbretëreshës Victoria në 1850.
Sipas një burimi të dëgjuar nga Daily Mail në oborrin mbretëror britanik, afera po shkakton njëfarë tensioni dhe nervozizmi pasi një zëdhënës i partisë për Narendra Modi, kryeministri indian, kujtoi se përdorimi i kurorës me Koh-i-Noor do të përfundonte duke sjellë përsëri në kujtesë “kujtimet e dhimbshme të së kaluarës koloniale”.
(Ansa/BalkanWeb)
