Njësia antieksploziv ka mbërritur në Fier, ku edhe u ngrit alarmi pasi një çantë ishte e vendosur në karriget e një biznesi në lagjen 15 Tetori në Fier.
BalkanWeb mëson se nga ndërhyrja e njësisë antieksploziv u zbulua se çanta përmbante një shall, alkool dhe disa sende të tjera.
Kjo është hera e dytë që ndodh brenda pak ditësh.
Më herët
Kujtojmë se fillimisht u vendos kordoni i sigurisë në perimetrin lokalit, dhe zona u rrethua nga forca të shumta policie.
Çanta është e zezë, jo shumë e madhe dhe është lënë në një prej karrigeve të pozicionuar në anë të biznesit.
Gjithashtu policia ka dhënë informacion zyrtar lidhur me ngjarjen në Fier. Sipas policisë në orën 14:00 në polici ka ardhur një telefonatë se në lagjen ’15 Tetori’ në Fier, në ambientet e jashtme të një lokali Bar-Kafe është konstatuar një çantë krahu.
Sakaq policia po kryen standard për të bërë verifikimet e duhura.
Fier/Informacion paraprak
Në orën 14:00, në Polici ka ardhur një telefonatë se në lagjen “15 Tetori”, Fier, në ambientet e jashtme të një lokali Bar-Kafe është konstatuar një çantë krahu.
Policia po kryen procedurën standarte për të bëre verifikimin e rastit.
(BalkanWeb)