Një central bërthamor në veri të Gjermanisë raportohet se ka pësuar një dëmtim në një tub kullimi i cili ka vendosur në alarm zonën e Brunsbüttel. Gjatë pastrimit të një rezervuari filtri në centralin e Brunsbüttel, u gjet dëmtimi i një saldimi, raporton operatori Vattenfall, megjithatë nuk pati dëme në njerëzit që ishin të pranishëm.
“Gjatë shpëlarjes së një rezervuari filtri që do të zbrazej plotësisht, u konstatua dëmtimi në saldimin e lidhjes së pajisjes shpëlarëse”, shkruan Vattenfall. Linja me defekt është pjesë e sistemit të përpunimit të koncentratit dhe ndodhet në zonën e kufizuar të godinës së reaktorit të termocentralit bërthamor, siç njoftoi ministria e energjitikës. Në afërsi të rrjedhjes, Vattenfall gjeti një sasi të vogël kontaminimi radioaktiv, por sipas tyre nuk kishte asnjë efekt mbi sistemin.
Autoriteti i sigurisë së reaktorit ka ngarkuar tani ekspertët për të kryer kontrolle të mëtejshme rregullatore për shkak se tubacioni i prekur është aktiv në fabrikën e përpunimit, Vattenfall duhej të dorëzonte një raport të kategorisë “N” sipas ligjit bërthamor, sipas deklaratës nga Ministria e Energjisë.
(BalkanWeb)
