Nëse një luftë bërthamore do të shpërthente ndonjëherë, ajo ndoshta nuk do të zgjaste shumë. Për disa ditë, ndoshta një javë, armët bërthamore do të lëshoheshin midis disa vendeve dhe humbjet katastrofike do të ishin të shpejta.

Por çfarë ndodh më pas?

Për dekada, studiuesit kanë modeluar pasojat e konfliktit bërthamor. Një nga rezultatet më shkatërruese globalisht nga një luftë bërthamore është mundësia e një ngjarjeje të zgjatur të ftohjes kulmore, të referuar si “dimër bërthamor”.

“Në një luftë bërthamore, bombat e shënjestruara në qytete dhe zona industriale do të fillonin stuhi zjarri, duke injektuar sasi të mëdha bloze në atmosferën e sipërme, e cila do të përhapej globalisht dhe do të ftohte me shpejtësi planetin”, shpjegojnë studiuesit në një publikim të fundit.

“Ngarkesa të tilla të blozës do të shkaktonin ndërprerje tejet të gjatë në klimën e Tokës, gjë që do të ndikonte në sistemet e prodhimit të ushqimit në tokë dhe në oqeane”, sqarojnë ata.