Real Madrid ka fituar me rezultatin 2-0 në Gjermani përballë Shalke 04-ës, në mbrëmjen e dytë të 1-8-të Ligës së Kampionëve, ndërsa takimi tjetër, ai mes Bazelit dhe Portos ka përfunduar me rezultatin 1-1.

Sa i takon ndeshjes në “Veltins Arena” Ishte Cristiano Ronaldo çeli rrugën e fitores për djemtë e Carlo Ançelotit.

Portugezi shënojë në minutën e 26’, kur devijoi topin me kokë, duke e dërguar në rrjetën e portës së mbrojtur nga Welleunreuther.

Në fraksionin e dytë të lojës u dyfishuar rezultati në minutën e 79’, kur Marcelo, i shërbyer nga Cristiano Ronaldo dyfishoi rezultati dhe mbylli praktikisht përballjen me gjermanët.

Në ndeshjen e luajtur në Bazel, kuqeblutë nuk arritën të administronin avantazhin e krijuar që në minutën e 11’ nga Gonzalet. Bardheblutë edhe pse vuajtën fillimisht në pjesën e dyte rritën lojën e tyre pas minutës së 70’, duke fituar 8 minuta më vonë dhe një 11-të metërsh të kthyer në gol nga Danilo. Zvicerianët pas pësimit të golit tentuan sërish të rigjenin avantazhin, por skuadra mike rrezistoi mjaft mirë deri kur gjyqtari vërshëlleu fundin e lojës.

(d.d/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: