Shorti i Ligës së Kampioneve zakonisht hidhet të premten, por për të përcaktuar ndarjen në çifte të 16 skuadrave më të mira, UEFA ka caktuar datën 12 dhjetor, të hënën e ardhshme.

Sipas procedurës, skuadrat ndahen në vazon e fituesve të grupeve dhe vazon e vendeve të dyta. Rregullorja parashikon që në turin e ardhshëm, nuk mund të ndeshen skuadra që janë kualifikuar nga i njëjti grup si dhe skuadrat që i përkasin të njëjtit shtet, duke kufizuar ndjeshëm mundësitë për skuadra të ndryshme.

Ndeshjet e para luhen në fushën e skuadrave që dalin nga vazot e dyta, ndërsa ata që kryesuan grupin luajnë takimin e kthimit në shtëpi. Ndeshjet e këtij turi luhen në shkurt dhe mars 2017.
Të kualifikuar

Vazo e kryesuesve
Arsenal, Napoli, Barcelona, Atletiko Madrid, Monako, Borusia Dortmund, Leister, Juventus

Vazo e të dytëve
PSG, Benfika, Mançester Siti, Bajern Mynih, Bajer Leverkusen, Real Madrid, Porto, Sevilja/panoramasport
(ed.me/BalkanWeb)