Përveç sfilatave magjepsëse dhe shpesh joreale, Java e Modës në Paris shquhet për stilin e saj elegant dhe të sofistikuar të rrugës, por edhe paraqitjet mbresëlënëse të të famshmëve tanë të preferuar në rreshtin e parë të spektaklit.
Si zakonisht, në kryeqytetin francez janë mbledhur të famshëm nga çdo cep i globit për të parë nga afër propozimet e stilistëve për sezonin Pranverë/Verë 2023. Në listën e të ftuarve magjepsës dhe ambasadorëve të shtëpive luksoze, takojmë emrat nga Kate Moss, Zoe Kravitz, Hailey Bieber dhe Maggie Gyllenhaal.
Sipërmarrësja dhe blogerja italiane, Chiara Ferragni, është gjithashtu në qytetin e dritave për të ndjekur shfaqjet dhe prezantimet e stilistëve të saj të preferuar, duke veshur natyrshëm pjesët e tyre firmato. Sipas postimeve të saj në Instagram, orari i saj është mjaft i ngarkuar pasi emisionet ndjekin njëra-tjetrën me shpejtësi të madhe. Megjithatë, kjo nuk e pengon atë të sjellë një sërë pamjesh që kombinojnë disa nga tendencat më të mëdha të sezonit.
Programi filloi me Dior dhe Chiara u shfaq me një veshje goth total black. Lëkura dhe dantella ishin dy elementët kryesorë të look-ut të saj, të cilin e plotësoi me një smokey eye dhe një çantë Dior Saddle me një model barok. Ferraghi ka provokuar duke mbuluar kokrrat e gjoksit me kopsa, poshtë bluzës trasparente.
(BalkanWeb)
