Juventus ka pësuar një disfatë të rëndë në fushën e Atletiko Madridit duke u mundur me rezultatin 0-2. Giorgio Chiellini ka pranuar pas ndeshjes se Juventusi duhej të kishte qenë më i fokusuar në lojë, por beson se mund të përmbysin disfatën në ndeshjen e kthimit.
“Momentet vendosin ndeshjet. Ne e dinim se ata ishin shumë të rrezikshëm në disa episode të caktuara dhe në duhet të ishim më të fokusuar. Tani të mendojmë dhe të përpiqemi ta kthejmë rezultatin” , u shpreh Chiellini.
Por mbrojtësi torinez nuk i humb shpresat për një rikthim të rezultatit në Itali.
“Sigurisht që nuk jemi të lumtur, është një rezultat i rëndë për të kthyer, por do të japim gjithçka në Torino. Ne e filluam pozitivisht, i dinim cilësitë e tyre, por duhet të kishim qenë më të fokusuar. Janë tre javë për t’u përgatitur dhe ne do t’i rrezikojmë të gjitha në Torino”, ka përfunduar Chiellini.
BalkanWeb