Me një postim të dhimbshëm, Chrissy Teigen ka njoftuar se ka humbur foshnjën e saj që priste nga John Legend. ‘Jemi shumë të hidhëruar nga një dhimbje për të cilën deri tani vetëm kemi dëgjuar, një dhimbje e pa provuar më parë’, ka shkruar modelja në Instagram teksa tregon një foto bardhë e zi të sajën, ulur në shtratin e spitalit, ku shfaqet e përlotur.
Disa ditë më parë për shkak të disa komplikacioneve, Teigen ka pasur emoragji dhe ka qenë e detyruar të shtrohet në Cedars Sinai Medical Center të Los Angeles.
‘Mjekët nuk mundën dot të ndalojnë emoragjinë dhe t’i jepnim fëmijës sonë lëngjet që ai kishte nevojë, pavarësisht transfuzionit të gjakut që bëmë. Nuk ishte e mjaftueshme kjo gjë’, ka shkruar Chrissy Teingen. Modelja dhe këngëtari janë prindër të Lunës dhe Miles.
Cifti u martua në 2013 pas 6 vitesh lidhje së bashku. Njoftimi për shtatzëninë e tretë erdhi në mes të verës me një videoklip të këngës ‘Wild’, ku modelja tregonte barkun rrumbullak.
‘Nuk i kemi vendosur kurrë për emrat e fëmijëve tanë përpara, deri në momentin që ata kanë lindur. Por këtë herë çuditërisht kishim filluar ta quanim Jack fëmijën që kisha në bark. Për ne do të jetë gjithmonë Jack. Jack bëri gjithçka për të qenë pjesë e familjes tonë të vogël dhe do të jetë gjithmonë pjesë e saj. Për Jack tonë, jam kaq e hidhëruar, duke mos pasur mundësi të të jap shtëpinë që kishe nevojë për të jetuar. Do të të duam gjithmonë’, vazhdon postimi i publikuar në Instagram nga Teigen.