TIRANË

Nënkryetari i LSI-së për Tiranën, Ardit Çela ka kujtuar 5 shtatorin, Ditën e Çlirimit të Skraparit me një mesazh në “Facebook”.

Ai shkruan se gjyshi i tij dhe qindra patriotë në këtë rreth luftuan për një Shqipëri më të mirë, duke shprehur nderime e respekt për të gjitha ata që luftuan e punuan për një Shqipëri të lirë.

“Gjyshi im, vëllezërit e tij, dhe qindra të tjerë patriotë e atdhedashës në rrethin e Skraparit luftuan për një Shqipëri më të mirë. Nga kujtimet e gjyshit, por edhe të dashamirësve që sot i kujtojnë vlerat e zonës tonë, me krenari më tregonin për shtypshkronjën që kishim brenda shtëpisë tonë, nga ku shtypeshin e shpërndaheshin traktet dhe udhëzimet e kohës.
Sot është 5-Shtatori, Çlirimi i Skraparit. E përkujtojmë me Lavdi këtë ditë, në nderim dhe respekt të të gjithë atyre që luftuan e punuan për një Shqipëri të lirë!
Lavdi Dëshmorëve!
Lavdi Heronjve!”, shkruan Çela.