CNN ka siguruar një pamje që duket se tregojnë ekzekutimin e një të burgosuri rus nga forcat ukrainase pas luftimeve të fundit në rajonin e Kievit.

Videoja tregon një grup ushtarësh me veshje ukrainase dhe shirita blu në krahë në një rrugë pas një përplasjeje me armë zjarri. Trupat e të paktën katër burrave me uniformë ruse janë shtrirë në trotuar. Tre prej tyre kanë plagë në kokë dhe gjaku u rrjedh në trupin e një të katërti, i cili ka një xhaketë të hedhur mbi kokë dhe duket se po ekzekutohet.

“Ai është ende gjallë,” thotë një burrë, në rusisht. “Ai po gulçon.”

Një automjet ushtarak rus i shënuar me shenjën “V” shihet në video, e filmuar në rajonin e Kievit të Ukrainës. Një ushtar drejton një pushkë dhe qëllon dy herë mbi trupin e rusit, ndalon dhe më pas qëllon një tjetër. Një person që tregon në kamera, më pas kthehet për të filmuar një mjet luftarak të këmbësorisë ruse me shenjën “V” të ngjashme me atë që shihet në pajisjet ushtarake ruse të operuara nga shumë njësi në Ukrainë.

“Një trofe i vogël,” dëgjohet të thotë dikush, ndërsa një tjetër thotë: Slava Ukrayini! Lavdi Ukrainës!

Ora dhe data e saktë e videos, e cila u shfaq në një kanal pro-rus, është e saktësuar. Vendndodhja e videos përputhet me atë të një video të publikuar në Tëitter nga Ministria e Mbrojtjes e Ukrainës. Ajo video, e postuar më 2 prill, tregon një kolonë të blinduar ruse të shpërthyer.