Inter-Edison Cavani është një teme e cila pritet të marrë formë të plotë në javët në vijim. Klubi ziklatër është më shumë se i interesuar për sulmuesin uruguaian, kjo për disa arsye. E para dhe më e rëndësishmja, Cavani mund të largohet në fund të sezonit me parametra zero, do të ishte një goditje e madhe pa asnjë kosto, sigurisht përjashto pagën e tij sezonale. Cavani është profili i një lojtari që pëlqehet shumë nga Conte. Inter u fut në një moment në negociata me PSG gjatë kohës kur transferimi i Lukakut po vihej në dyshim.

Në rast se largohet Lautaro Martinez me destinacion Barcelonën, Cavani do të ishte zëvendësuesi ideal, Inter do të përfitonte një shumë të madhe nga largimi i argjentinasit çdo do ti lejonte të përballonte pagën e Cavanit dhe të bënte qetësisht ndonjë blerje në merkato duke qenë korrekt me rregullat e fair play financiar.

Nga ana tjetër Inter është i detyruar të futet në negociata, do ti interesonte shumë që Cavani të largohej nga Parisi. Nëse nuk ndodh diçka e tillë, nëse Cavani pranon rinovimin e kontratës, kjo do të thotë që PSG nuk do të blej kartonin e Icardit. Interi do të ishte i detyruar ti gjente një tjetër sistemim sulmuesit që askush nuk e dëshiron më në Milano. Nëse Cavani pranon ofertën e Inter dhe PSG mban Icardin, ziklatërit do të kishin 70 milion euro më shumë në arkën e tyre.
(BalkanWeb)