Për momentin zgjidhja në një kohë alarmante si pasojë e Coronavirus janë ndeshjet pa tifozët. Deri tani Serie A ka konfrimuar se pesë sfida të fundjavës, që do të luhen në zonat më të prekura nga virusi do të jenë me tribuna të boshatisura.

I njëti dikutimi edhe për ndeshjen e kthimit në Ligën e Europës mes Inter dhe Ludogorets. Përveç tifozëve, në “San Siro” nuk do të lejohen as gazetarët. Po ashtu, këta të fundit nuk do të marrin pjesë as në konferencat për shtyp, që do të transnetohen direkt.

Kjo është vetëm një tablo e ngushtë, pasi në projektimet afatgjata asgjë nuk është e sigurtë. Kjo jo vetëm për kampionatin italian. Shumë kompeticione në sporte të ndryshëm janë anuluar, ndërsa pas dyshimeve të pak ditëve më parë në lidhje me finalet e Euro 2020, për momentin ky turne nuk rrezikon. Pikëpyetjet më të mëdha vijnë nga Japonia, që me Tokyo do të presë në verë Lojrat Olimpike. Kryeministri i vendit, Shinzo Abe ka njoftuar shtyrjen me të paktën dy javë të të gjitha aktiviteteve të parashikuara në lidhje me Olimpiadën, kur mbeten edhe 150 ditë nga nisja e kompeticionit më të rëndësishëm të sportit botëror.
(balkanweb)