Anglia do të fillojë të përdorë certifikatat dixhitale të vaksinimit nga java e ardhshme, sipas masave të reja shëndetësore të njoftuara sot.

“Certifikimi, duke qenë në gjendje të tregojë se jeni vaksinuar, do të jetë i nevojshëm që njerëzit të mund të udhëtojnë”, tha Sekretari i Shëndetësisë, Matt Hancock, për transmetuesin britanik Sky News.

“Pra, ne duam të sigurohemi që njerëzit të mund të kenë qasje të paktën në këtë provë, për t’ua treguar qeverive të vendeve të tjera që janë vaksinuar, nëse ua kërkojnë atë për të shkuar atje”, shtoi ai.

Nga e hëna, banorët në Angli do të mund të përdorin aplikacionin e tyre të Shërbimit Shëndetësor Kombëtar për të treguar se janë vaksinuar, kur udhëtojnë jashtë shtetit.//ATSH

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb