Të paktën 90 milionë qytetarë evropianë kanë marrë të dyja dozat e vaksinave. Lajmi është bërë i ditur nga zëdhënësja e Komisionit Evropian, Dana Spinand.
Nëpërmjet një postimi në “Twitter”, ajo e cilëson këtë hap si “përparim të qëndrueshëm”.
“Përparim i qëndrueshëm! Deri më tani, 90 milion të rritur në BE janë vaksinuar plotësisht, ose rreth një e katërta e popullsisë së rritur të BE”, shkruan Spinand.
Sipas grafikut të postuar nga Spinand, deri më 7 qershor, 328.6 milionë doza të vaksinave të llojeve të ndryshme janë në dispozicion të BE, ndërsa deri më tani,
janë shpërndarë plot 270 milionë doza.
Një lajm i mirë ditët e fundit është fakti që disa vende kanë dhënë dritën jeshile për vaksinimin e fëmijëve dhe
adoleshentëve, ato janë: Franca, Hungaria, Gjermania, Zvicra, San Marino, Lituania, Italia, Austria, Polonia.
Latest updates on vaccine deliveries and vaccination across the EU.
Steady progress!
By now, 90 million adults in the EU are fully vaccinated – or roughly a quarter of the EU’s adult population. pic.twitter.com/1FpbkwB8Q3
— Dana Spinant (@DanaSpinant) June 7, 2021
(BalkanWeb)