Covid-19 është rikthyer sërish në vëmendjen e botës dhe politikës.
Ambasadori i SHBA-ve në Kinë, Nicholas Burns tah sot se Kina do të duhet “të jetë më transparente dhe e sinqertë për atë që ndodhi tre vjet më parë në Wuhan me origjinën e krizës Covid-19”, nëse dëshiron që të punojë bashkë me Shtetet e Bashkuara.
Burns foli dhe për balonën përgjuese kineze në territoret e SHBA-së dhe pozicionin e Pekinit për luftën në Ukrainë, teksa ka shtuar se janë “dy nga çështjet më të rëndësishme me të cilat po merremi tani”.
Komentet e Burns për Covid-in u bënë në lidhje me forcimin e Organizatës Botërore të Shëndetësisë, në përgjigje të një pyetjeje në lidhje me polarizimin politik në SHBA dhe se si ai ndikon në pozitën dhe aftësinë e Amerikës për të trajtuar sfidat gjeopolitike.
Diplomatët amerikanë kanë ngritur vazhdimisht nevojën që Kina të jetë transparente për origjinën e Covid-19, por Pekini nuk e ka rritur transparencën.
Departamenti i Shtetit ka kërkuar vazhdimisht që Pekini të jetë transparent në lidhje me origjinën e Covid.
“Është në interesin e të gjithëve, PRC-së, që ata të punojnë me komunitetin ndërkombëtar, të japin një shkallë transparence ndaj hetimeve ndërkombëtare për origjinën e COVID, në mënyrë që as ata, as ne dhe as ndonjë vend në mbarë botën nuk duhet të ketë për të paguar përsëri këtë lloj kostoje të madhe”, tha në nëntor zëdhënësi i Departamentit të Shtetit Ned Price.
Në lidhje me balonën përgjuese tha “Po na fajësojnë ne. Është pak zhgënjyese, sepse mendoj se të gjithë e dinte të vërtetën”.
(BalkanWeb)