Ashtu si pjesa më e madhe e Europës, edhe Franca vijon luftën kundër Covid-19. Futbolli në vend është paralizuar totalisht, situatë nga e cila ka përfituar Neymar. Ylli brazilian ka vendosur që karantinën të mos e kaloj në Francë por në vendlindjen e tij. Menjëherë pasi i siguroj PSG një biletë për në çerekfinalet e Champions League, Neymar ka fluturuar drejt Brazilit duke shkëputur çdo kontakt me drejtuesit e klubit.
Prej disa kohësh, Leonardo, drejtori sportiv, është përpjekur të ul Neymar në një tavolinë duke i ofruar rinovimin e kontratës, aktualja i skadon në 2022. Braziliani ka që në tetor që shmang negociatat për rinovimin e kontratës, fillimisht kërkon garanci në Champions, trofe që është primar për të pasi dëshiron të fitoj “Topin e Artë”. Në këtë periudhë, ku të paktë janë ata që e kanë mendjen tek futbolli, është thuajse e pamundur të kapësh Neymar, karantina për të në Brazil është si një dhuratë.
(BalkanWeb)