Organizata Kombëtare e Shëndetit Publik në Greqi, (EODY), ka njoftuar se gjatë 24 orëve të fundit janë regjistruar 1.176 të infektuar me COVID-19, ndërsa numri i vdekjeve ishte 30.
Sipas mediave greke, 4 prej të infektuarve janë identifikuar në pikat hyrëse në vend.
Gjithsej 406 pacientë janë në ventilator në të gjithë spitalet e vendit dhe mosha mesatare e tyre përllogaritet diku tek 68-vjeç.
Që prej fillimit të pandemisë, Greqia ka raportuar 6.534 fatalitete nga COVID-19, shkruajnë mediat helene.