Do të jetë një grua, një infermiere, e para që do vaksinohet për Covid në Itali. Në fakt, gjithçka është gati në institutin Spallanzani në Romë për administrimin e dozave të para të fushatës së vaksinimit të planifikuar për 27 dhjetor në të njëjtën kohë në të gjithë Evropën. Një punonjës i kujdesit shëndetësor, një studiuese dhe dy mjekë gjithashtu do të marrin vaksinën, tha instituti.

Do të jetë ushtria që do të marrë fizikisht dozat e nisura nga impiantet e Pfizer në Belgjikë. “Me kërkesë të Komisionerit Domenico Arcuri na u desh të planifikojmë me urgjencë shpërndarjen e vaksinës Pfizer, e cila do të mbërrijë në Itali në 24. Në fazën e parë do të ruhet në pjesën qendrore të Spallanzanit dhe, nga Mbrojtja, do të shpërndahet dhe administrohet në 21 site kombëtare”, njoftoi gjenerali Luciano Portolano.

Gjithmonë më 27, pasdite, fushata e vaksinimit do të fillojë në të gjitha Rajonet. Do të ketë 1.620 doza të destinuara për Lombardinë, 955 doza për Lazion, 685 për Siçilinë, 910 për Piemonten.

Janë 287 qendra të identifikuara nga Rajonet dhe nga Ministria e Shëndetësisë, përfshirë spitalet dhe Asl, për dorëzimin e vaksinës. Çdo shishe duhet të ruhet në minus 70 gradë në dhoma të veçanta të ftohta.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb