ITALI

Edhe pse Italia ka shtuar masat anti-Covid, rastet e reja në Itali vijojnë të rriten me ritme të shpejta.

Autoritetet italiane kanë bërë të ditur se në 24 orët e fundit janë kryer 201.452 testime, ndërsa janë konfirmuar 26.831 persona pozitivë, shifra më e lartë e të infektuarve që prej fillimit të pandemisë.

Në 24 orët e fundit, kanë ndërruar jetë edhe 217 persona të prekur me Covid-19, duke e çuar në 38 122 numrin e atyre që kanë humbur betejën me koronavirusin.

Lombardia është rajoni që ka më shumë të infektuar, ku në 24 orët e fundit janë regjistruar 7.339 persona dhe 57 të vdekur. Më pas është Campania me 3.103 të infektuar, pastaj Piemonte me 2.585 raste, Veneto me 2.109 dhe Lazio 1.995.