SHBA dhe Kina u zotuan sot që të bashkëpunojnë për të luftuar koronavirusin e ri, pavarësisht tensioneve ende të larta midis tyre.

Në një intervistë telefonike me zyrtarin e lartë të Partisë Komuniste Kineze për politikën e jashtme, Yang Jiechi, kreu i diplomacisë amerikane, Mike Pompeo, këmbënguli përsëri në nevojën për transparencë totale dhe shkëmbim informacioni për të luftuar COVID-19 dhe për të parandaluar epidemitë e ardhshme.

“Të dy palët kanë konfirmuar angazhimin e tyre për mposhtjen e epidemisë së COVID-19 dhe rivendosjen e shëndetit dhe prosperitetit global”, tha Pompeo.

Sipas Agjencisë zyrtare të Kinës së Re, Yang Jiechi tha se Pekini ishte gati të vazhdojë të ndajë me SHBA-në informacionin dhe përvojën e tij për administrimin e pandemisë.