Sipas task forcës shkencore në Zvicër, 10 deri në 30 për qind e popullsisë pritet të infektohet me koronavirus brenda një jave, ndërsa vala e infeksioneve me variantin Omicron do të arrijë kulmin.
“Kur vala e infeksioneve të jetë qetësuar, 65 deri në 85 përqind e popullsisë do të jetë imun ose e mbrojtur nga vaksinat përforcuese, tha sot kryetarja e grupit të punës që këshillon qeverinë”, Tanja Stadler.
Matematicieni nga qyteti gjerman i Shtutgartit parashikon që infeksionet të arrijnë kulmin brenda një deri në tre javë. Kjo do të reflektohet në shtrimet e spitaleve gjatë 7 deri në 10 ditëve.
“Spitalet do të duhet të përballojnë një ngarkesë të madhe pune. Në disa pika do të jetë jashtëzakonisht e vështirë”, tha Stadler.
“Për të mbajtur nën kontroll ekonominë, shoqërinë dhe administratën në punë, është e arsyeshme të shkurtohet karantina në pesë ditë për personat që kanë pasur kontakt të ngushtë me një person të infektuar”, shtoi ajo.
Zvicra ka vendosur masën e vendosjes së maskave, dhe vetëm ata që janë shëruar nga një infeksion ose janë vaksinuar kundër Covid-19 lejohen të hyjnë në restorante dhe shumë institucione publike.
Përveç kufizimeve për grumbullimet e mëdha, nuk ka kufizime të tjera në jetën publike për të vaksinuarit dhe të shëruarit nga koronavirusi.
Numri i të infektuarve po rritet me shpejtësi në Zvicër. Të martën, Zyra Federale e Shëndetit Publik raportoi 24,600 infeksione të reja.
“Për më tepër, ekziston një numër i vlerësuar i rasteve të paraportuara sepse jo të gjithë personat janë testuar. Brenda 14 ditëve u raportuan 3293.21 infeksione të reja për 100.000 banorë”, tha Stadler.