Drejtori i nisjes në NASA, Charlie Blackwell-Thompson, lëshoi urdhrin “nda” të shtunën në mëngjes në T-minus 2:28:53, duke ndërprerë misionin “Artemis 1” për herë të dytë në një pengesë që hedh hije dyshimi dhe turpërimi ndaj programit.
Sipas raportimeve të mediave nga stacioni në Cape Canaveral, Florida defekti erdhi pasi disa përpjekjeve të dështuara për të rregulluar një rrjedhje në sistemin e karburantit të hidrogjenit të lëngshëm të raketës.
Nuk ka asnjë njoftim për një datë tjetër kur mund të realizohet nisja, por nëse procesi nuk përfundon deri të martën, Sistemi i Nisjes Hapësinore 32-katëshe (SLS) dhe kapsula Orion do të duhet të hiqen nga platforma e nisjes për inspektimin teknik.
Nisja do të kishte shënuar një hap të madh në eksplorimin e Hënës nga njerëzimi 50 vjet pas misionit të fundit hënor “Apollo”, me programin “Artemis” që synon fluturime me ekuipazh në orbitën hënore sa më shpejt, që në vitin 2024.
Programi ambicioz “Artemis”, një partneritet i NASA-s me SpaceX dhe agjencitë hapësinore të Evropës, Japonisë dhe Kanadasë, synon përfundimisht të krijojë një bazë hënore si një hap për misionet hapësinore ndërplanetare.
