Agjentët e sigurisë në aeroportin “Frederic Chopin” të Polonisë kanë arrestuar një 81-vjeçare daneze që udhëtonte nga Afrika për në Kanada me dyshimin për posedim të paligjshëm të lëndëve narkotike.

Oficerët e doganës vendosën të kontrollojnë valixhen e të moshuarës pasi dyshuan për itinerarin e saj dhe sjelljen aspak të këndshme dhe brenda gjetën disa pako me 5 kilogramë heroinë dhe vlerë mbi 515,000 dollarë.

  • foto galeri
  • foto galeri

Sipas mediave ndërkombëtare, 81-vjeçarja tha se nuk kishte asnjë lidhje me heroinën e gjetur dhe se anëtarët e familjes i kishin dhënë një valixhe me dhurata për të afërmit në Kanada.

Asaj i është caktuar masa e paraburgimit për tre muaj dhe prokurorët kanë nisur hetimet, por ligji polak parashikon që ajo të përballet me 15 vjet burg për posedim të paligjshëm të lëndëve narkotike.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: