Bota e futbollit festoi së bashku me Eriksen rikthimin e tij në fushë. Pak nga pak gjërat po rikthehet në normalitet pasi fantazisti fillimisht u shërua, më pas gjeti një ekip të ri, Brentford, u rikthye të luaj në Premier League ndërsa së fundmi shpresonte të rivishte fanellën e përfaqësueses daneze, aty ku u shndërruar në një burim frymëzimi.

Eriksen mori një ftesë nga trajneri i përfaqësueses por për fat të keq, Eriksen nuk mund të jetë në dispozicion të kombëtares. Fantazisti ka rezultuar pozitiv me COVID-19 duke humbur në këtë mënyrë miqësoret kundër Holandës dhe Serbisë, më 26 dhe 29 mars. Këtë lajm e bëri publik vetë federata daneze e cila shtoi se nëse në ditët e ardhshme Eriksen del tampon negativ mund të bashkohet me ekipin.

Eriksen nuk e vesh fanellën e Danimarkës që nga 12 qershor 2021 kur pësoi një arrest kardiak në fushën e lojës gjatë sfidës me Finlandën.
(BalkanWeb)