FIER- Humbja e Partisë Demokratike në pjesën dërrmuese të bashkive të vendit në zgjedhjet lokale të 21 qershorit, do t’i nënshtrohet një analizë të njoftuar edhe nga vetë kreu i kësaj force politike. Ditën e sotme, dega e PD në Fier ka zhvilluar një mbledhje për të analizuar humbjen në këtë bashki, pro ajo që u vu re ishte mungesa e 6 anëtarëve.
Në mbledhje mungonte nënkryetari i PD, Vasillaq Ngresi, ndërsa nuk është thirrur as kreu i Lidhjes se Gruas, Zamira Çaushaj.
Gjatë analizës së humbjes së PD në Fier nuk u thirrën as Vasil Ndreko, Admirin Shehu, Diana Koçiaj, Enkeleida Veliu; pasi të 6 këta anëtarë janë konsideruar përgjegjës për humbjen.
PD e Fierit është mbledhur sot për rezultatin e dobët në zgjedhje lokale, ndërsa pas këtij takimi pritet zyrtarizimi i shkarkimit të gjashte emrave të mësipërm nga forumet e PD-së.
Në shtator pritet që Partia Demokratike të nisë edhe analizën zyrtare për rezultatin e zgjedhjeve lokale të 21 qershorit.
(el.sp/BalkanWeb)
