SERBI-Deklarata e presidentit Hashim Thaçi i cili tha se “kërcënimet e Serbisë do të marrin përgjigje si në vitin 1999, me pushke”, po vazhdon të nxisë reagime të ashpra në shtetin serb.
Pas Vuçiçit e Gjuriçit, ka reaguar edhe politikani kontravers serb, ministri i mbrojtjes Aleksandar Vulin.
Në një deklaratë për mediat serbe, Vulin e ka quajtur kriminel presidentin e Kosovës.
“Serbia nuk e kërcënuar nga askush dhe sidomos jo në provincën e saj jugore, dhe kjo nuk është politika e paqes, por politikë e tillë si e Thaçit që para disa kohe e dogjën Ballkanin”, tha Vulin transmeton lajmi.net
Ai ka kërkuar nga presidenti i Kosovës të heshtë, dhe të mos kërcënojë.
“Është koha që krimineli të heshtë”, përfundon reagimi i ashpër i Vulinit.
Zyrtarë të lartë nga Serbia deklaratat e Thaçit i cilësuan si thirrje për luftë.
(BalkanWeb)