TIRANE- Mes një blloku pallatesh në zonën e Selitës, në mes të ditës kur lëvizjet e banorëve nuk mungojnë, dy persona kanë mbetur të plagosur.
Gazetari Klajdi Bodlli ka mundur të sigurojë për “BalkanWeb” pamjet e para nga vendi i ngjarjes.
Paraprakisht thuhet se dy grupe janë përfshirë në një sherr brenda një lokali, e më pas janë konfliktuar deri në përdorimin e armëve, por jashtë ambienteve të lokalit.
“BalkanWeb” mëson gjithashtu se të plagosurit janë shtetasit Gjon Pelivani 27-vjeç, i cili ka marrë një plumb në kofshë dhe Renato Hoxha 31-vjeç, i plagosur në këmbë.
Policia ka gjetur të shtrirë në vendngjarje njërin nga të plagosurit, ndërsa tjetri ishte transportuar më herët drejt spitalit.
(m.a/BalkanWeb)