Ditën e sotme është publikuar një video e re sa i përket dhunimit të Petraq Milo, kryetari i Komisionit për Ekonominë dhe Financat në Partinë e Lirisë, në kufirin malazez, ngjarje e ndodhur në janar.
Autoritetet malazeze nisin veprime të ashpra për incidentin në kufirin Shqipëri- Mal i Zi.
Mësohet nga “Balkanweb” se ndaj autorit që ka dhunuar Petraq Milon kanë nisur procedura hetimore qe mund të çojnë në pezullim nga puna apo masa më të ashpra.
Por veprimi ndëshkimor i qeverisë shkon më lart. Mësohet nga burime administrative malazeze se zëvendësdrejtori i Administratës së Policisë për Sektorin e Policisë Kufitare, Dragan Klikoovac do të shkarkohet. Sakaq për efektivët e tjerë të turnit të ditës kur edhe nga ndodhur incidenti, do të merret masë disiplinore.
A month ago, Montenegrin police officer attacked Petraq Milo, an Albanian university professor and an advisor to the Albanian president. The video was posted today on facebook and caused public outrage in both counties. pic.twitter.com/l3wbpImFti
— Ljubomir Filipović (@ljubofil) February 21, 2023
Kujtojmë se Milo ka qenë së bashku me familjen e tij në momentin kur ka ndodhur ngjarja. Ai është nxjerrë me forcë nga makina dhe është dhunuar nga efektivë malazez, ndërsa priste në radhë në kufi.
Ky rast i përsëritur nga efektivi në fjalë, ndodh kur qytetarët e tjerë vërejnë njëlloj përmirësimi të përgjithshëm në trajtimin e tyre në pikat kufitare me Malin e Zi, veçanërisht pas ndërrimit të qeverisë.
Dy vendet kanë forcuar marrëdhëniet dypalëshe dhe në 27 shkurt do të zhvillohet mbledhja e dytë e dy qeverive ku do firmosen shumë marrëveshje bashkëpunimi.
(BalkanWeb)