Pas rrëfimeve shokuese për overdoze në 2018 dhe përdhunimeve të pësuara, Demi Lovato flet për një kapitull tjetër shumë të rëndësishëm në jetën e saj, pikërisht për identitetin e saj seksual. Në një intervistë me EË, këngëtarja dhe artistja ka folur se si ndarja me ish të fejuarin e saj, aktorin Max Ehrich e ka ndihmuar të kuptojë që për momentin ndjehet ‘seksualisht shumë e paqartë’ për një impenjim të tillë. ‘Jam shumë gay për tu martuar me një burrë në këtë moment’, ka thënë këngëtarja. Nuk e di nëse kjo do ndryshojë pas 10 vitesh, por më pëlqen të pranoj këtë gjë tani’.
Që në 2017 Demi kishte deklaruar që nuk donte të etiketohej kur bëhej fjalë për identitetin e saj seksual. ‘Ndjehem sikur të gjithë kërkojnë gjithmonë një titull’, kishte thënë Lovato në PrideSource.com. ‘Por besoj që kjo është e parëndësishme për muzikën time’. Në një lidhje live në Facebook në tetor, ajo kishte treguar, se si kur ishte 17 vjeç i kishte treguar motrës së saj se i pëlqenin femrat dhe se donte të kishte një lidhje me një femër, pasi kishte parë skenën e puthjes mes Sarah Michelle Gellar dhe Selma Blair, në filmin “Cruel Intentions”, në 1999. Në këtë moment kishte menduar se i pëlqen kjo gjë, por turpi kishte mposhtur impulset.
Demi ka pranuar se në të shkuarën ishte një tip shumë i mbyllur. Por gjërat ndryshuan dhe tani duket se i ka idetë e qarta, siç tregon rrëfimi i saj në Entertainment Weekly: “Pas marrëdhënies ne Ehrich e kuptova më në fund kush isha’. Isha e sigurt se do martohesha me Max dhe që do mbetesha shtatzënë me të, por gjërat nuk shkuan siç e kishim menduar. Nuk e di nëse do të kem lidhje sërish me një mashkull, por për momentin nuk e mendoj dot vetën shtatzënë.