Policia e Vlorës ka arrestuar një 47-vjeçar, pasi ka dëmtuar barrierat anësore të autostradës, me qëllim lidhjen me një rrugë dytësore që ndërtonte pa leje.

Në pranga ka rënë shtetasi Adrian Baçaj, banues në Vlorë, pasi sipas policisë, duke ndërtuar pa leje një rrugëkalimi (dytësore), me dalje në autostradën Levan-Vlorë, ka dëmtuar edhe barrierat mbrojtëse të autostrdës duke u bërë burim aksidenti për përdoruesit e rrugës.

Njoftimi i policisë:

Në vijim të punës për kontrollin e territorit, për evidentimin dhe goditjen e rasteve të ndërtimeve të paligjshme, specialistët për Krimet në Komisariatin e Policisë Vlorë, kanë bërë arrestimin në flagrancë për veprat penale “Ndërtim i paligjshëm” dhe “Shkatërrimi i rrugëve” të shtetasit Adrian Baçaj, 47 vjeç, banues në Vlorë.

Ky shtetas në fshatin Mifol, duke ndërtuar pa leje një rrugëkalimi (dytësore), me dalje në autostradën Levan-Vlorë, ka dëmtuar edhe barrierat mbrojtëse të autostrdës duke u bërë burim aksidenti për përdoruesit e rrugës.

Materialet i kaluan Prokurorisë, për veprime të mëtejshme.

(BalkanWeb)