Policia e Vlorës ka arrestuar dy persona dhe ka shpallur në kërkim një tjetër, pasi akuzohen për “Shkeljen e rregullave të mbrojtjes në punë”.

Në pranga kanë rënë shtetasit S. B., 54 vjeç, dhe L. Ç., 29 vjeç, me banim në Vlorë., të cilët kanë shkelur rregullat e mbrojtjes në punë duke dëmtuar një kabull elektrik, ku për pasojë është dëmtuar në trup shtetasi F. K., 66 vjeç, banues në Vlorë, i cili ka shkuar në Spitalin e “Nënë Terezës” Tiranë për ndihmë mjekësore.

Njoftimi i policisë:

Arrestimi i tyre u bë pasi shtetasi S.B me detyrë teknik zbatues dhe shtetasi L.Ç në cilësinë e manovratorit të punimeve gjatë rregullimit të rrjetit kullues në lagjen “Hajro Çakërri” Vlorë, dyshohet se kanë shkelur rregullat e mbrojtjes në punë duke dëmtuar një kabull elektrik.

Si pasojë e këtij problemi, është dëmtuar në trup shtetasi F. K., 66 vjeç, banues në Vlorë, i cili ka shkuar në Spitalin e “Nënë Terezës” Tiranë për ndihmë mjekësore.

Gjithashtu, Policia ka shpallur në kërkim shtetasin K. H., 56 vjeç, banues në Elbasan, pasi duke qenë në cilësinë e drejtuesit të këtyre punimeve, dyshohet se është një nga përgjegjësit e tjerë për shkeljen e rregullave të mbrojtjes në punë.
—-
Himarë, policia ka arrestuar në flagrancë shtetasin A. Q., 32 vjeç, banues në Tiranë, pasi është kapur ditën e djeshme në aksin rrugorë Himarë-Sarandë, duke drejtuar automjetin në gjendje të dehur.

Materialet iu referuan Prokurorisë për veprime të mëtejshme.

(BalkanWeb)