TIRANE-Deputeti i Partisë Demokratike, Flamur Noka ka denoncuar sot një vendim “skandaloz” nga ana e Kryeministrit Edi Rama, siç e konsideroi ai, dhënien e titullit “Qytetar Nderi” të Hasit, Gafurr Mazrekut. Në një deklaratë për mediat, ai tha se Mazreku është atentator i Azem Hajdarit, dy dekada më parë.

Teksa ka publikuar dokumentin ku është projekt vendimi i Bashkisë Has, i cili pritet të miratohet në mbledhjen e ditës së hënë, Noka i ka bërë thirrje kryeministrit Rama që ta tërheqë menjëherë këtë vendim.

DEKLARATA E PLOTE
Dy dekada pas atentatit brenda në Parlament kundër Azem Hajdarit, atentatori, deputeti i Partisë Socialiste në atë kohë, Gafurr Mazreku propozohet nga Edi Rama per t’i dhënë titullin “Qytetar Nderi”.

Partia Demokratike disponon propozimin që Kryetari i Bashkisë së Hasit i ka bërë Këshillit Bashkiak për të nderuar një vrasës si Gafurr Mazreku me titullin më të lartë që mund të japë pushteti lokal.

Nderimi i një deputeti që ka përdorur armën brenda sallës së Parlamentit kundër Azem Hajdarit është modeli që Edi Rama ka ndjekur që kur ka ardhur në pushtet.

Është modeli që nderon dhe i jep pushtet kriminelëve në parlament, qeveri dhe bashki, siç është rasti i Elvis Roshit, Mark Frrokut, Arben Ndokës dhe të tjerëve si ata.

Është modeli që mbron krimin të lidhur me qeverinë, siç është rasti i Saimir Tahirit dhe Agron e Fatmir Xhafës.

Mbledhja e Këshillit Bashkiak është parashikuar për të hënën, prandaj ne i bëjmë sot thirrje Edi Ramës të tërhiqet nga ky vendim skandaloz që vret për herë të dytë Liderin e Lëvizjes së Dhjetorit Azem Hajdari.
do
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb