Stoli i Francës mbetet gjithmonë objekt diskutimesh. Pavarësisht thashethemeve lart e poshtë, trajnerit Didier Deschamps iu besua drejtimi i skuadrës, të paktën për Botërorin e Katarit.
Lajmet e fundit që mbërrijnë janë shumë të rëndësishme. Nëse Kombëtarja e “Gjelave” arrin në gjysmëfinale duke mundur Anglinë të shtunën, tekniku aktual Deschamps do të ketë fjalën e fundit për të ardhmen e tij, duke vendosur vet nëse do të qëndrojë apo do t’i hapë krahun Zinedine Zidane. Kujtojmë që Zizou ka refuzuar disa skuadra, vetëm e vetëm që të ulet në pankinën e Kombëtares.
(BalkanWeb)