ITALI
Mediat italiane kanë publikuar sot dëshminë e një tjetër të arrestuari për trafik droge, i cili kishte lidhje me bandën e Habiljave në Shqipëri. Bëhet fjalë për 47-vjecarin Antonio Riela, i cili është arrestuar si një prej blerësve të drogës që vinte Shqipëria. Bazuar në dëshminë e tij, Meridianoneës shkruan se me bandën e shqiptarëve kishte rënë në ujdi për cmimin e mallit, ndërsa e shiste më pas te njerëzit e besuar në Katania.
Refereuar Meridianoneës, Riela kishte lidhje të ngushtë në Shqipëri me Moisi Habilaj, kushëri me ish ministrin e Brendshëm, Saimir Tahiri. Ai u arrestua në tetor të 2017, ndërsa dëshmia e tij është publikuar kohët e fundit, dëshmi në të cilin ai nuk pranuar t’u japë shpjegime disa pyetjeve, si përshembull, 47-vjecari nuk ka pranuar të japë emrin e pronarit të magazinës në të cilën fshihte qindar kilogram drogë. Në dëshminë e Rielës zbulohet me detaje se si kryhej trafiku i drogës nga Shqipëria në Itali.
“Moisi më siguroi duke më thënë se ai ishte i mbrojtur dhe një person i rëndësishëm në Shqipëri e lejonte që të eksportonte ngarkesa të mëdha të marijuanës. Ai e ka lejuar që të eksportojë këto ngarkesa të mëdha të marihuanës,” thotë Riela në dëshminë e tij. “ Më tha edhe emrin e këtij persona, – shton më tej ai,- por nuk më kujtohet.”
“Unë e shoqërova Moisi Habilajn tek një tregtar që qëndron prapa gjykatës së Katania,. Unë nuk hyra, por e di se ato do të blinin bizhuteri dhe do të niseshin më pas për në Shqipëri. Ishte dhjetor 2013” thuhet më tej në dëshminë e Rielës. Për Antonio Riela, aktualisht i ndaluar, prokurori ka kërkuar dënimin me 15 vjet burg.
Sipas hetuesve, bizhuteritë, me vlerë rreth katër mijë euro, ishin dhurata, të destinuara për gruan dhe nënën e ish-ministrit Tahiri. Hipotezë kjo, e hedhur poshtë si nga politikani shqiptar ashtu edhe nga vetë Habilaj. Ky i fundit, i dyshuar si koka e grupit, ka folur në burg me hetuesit më 24 janar dhe në këtë pikë ka qenë i prerë: ‘Është e vërtetë, i bleva. Por ishin për gruan e Fatosit’.
Hetimet për dosjen “Habilaj” implikuan edhe emrin e ish-ministrit të Brenshëm Saimir Tahiri, por drejtësia italiane në Katania me një vendim të datës 5 tetor të këtij viti vendosi mbylljen e hetimit ndaj tij. Sipas hetimeve italiane, Tahiri nuk ishte i përfshirë në trafik droge me grupin Habilaj dhe drejtësia italiane vendosi të mos ngrejë asnjë akuzë ndaj Saimir Tahirit.
(BalkanWeb)
