RUMANI- Për shkak të pjesëmarrjes së ulët të votuesve, një referendum dyditor për ndryshimin e Kushtetutës në Rumani nuk ishte i suksesshëm, gjë që do ta bënte më të vështirë legalizimin e martesave të çifteve të të njëjtit seks.

Komisioni Qendror i Zgjedhjeve tha pas mbylljes së qendrës së votimit se pjesëmarrja ishte 20.41 për qind, ndërsa të paktën 30 për qind e votuesve të regjistruar duhej të dilnin, në mënyrë që referendumi të kishte sukses. Qytetarët u shprehën për miratimin e një amendamenti kushtetues sipas të cilit martesa do të përkufizohej si një bashkim midis një burri dhe një gruaje në vend të bashkëshortit, siç është tani. Martesat e gjinive të njëjta janë të paligjshme në Rumani.

Kundërshtarët e ndryshimit të kësaj dispozite kushtetuese u bënë thirrje votuesve të bojkotojnë referendumin, ndërsa Kisha Ortodokse Rumune mbështeti ndryshimin e Kushtetutës.

BalkanWeb

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb