Detaje të reja janë zbuluar nga krimi i rëndë një Greqi, kur një 24-vjeçar shqiptar vrau partneren e tij.
Mësohet se, çifti shqiptar që punonin në lokale të ndryshme përgjatë natës, kanë nisur të debatojnë pasi u kthyen nga puna në shtëpi.

I riu, nën ndikimin e kokainës, ka nxjerrë armën dhe teksa 19-vjeçarja po qëndronte në divan e ka qëlluar një herë në kokë, duke i shkaktuar vdekjen.

Ai ka marrë armën, e ka fshehur në frigorifer dhe menjëherë është larguar nga banesa duke ka dalë në rrugë.

“Kam bërë shëtitje për të qetesuar mendjen”, mësohet se ka thënë ai, por siç pretendon, sapo ka kuptuar se çfarë kishte bërë, ka shkuar në Komisariat. “Është koha të dorëzohem sepse kam vrarë partneren time në banesë”, ka deklaruar ai me qetësi para efektivëve.

Raportohet se 24-vjeçari ishte i fiksuar dhe shumë xheloz për partneren e tij. Ai punonte në një lokal në Troumba ndërsa viktima në një lokal nate në Kallithea.

Sipas dëshmisë në polici, autori është shprehur se përleshja mes tyre nisi pasi ishte xheloz për partneren e tij. I zemëruar dhe nën ndikimin e drogës, e vrau me pistoletën që ia kishte marrë rreth një vit më parë disa rumunëve.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb